Fogerazioak

Fogerazioak zergak banatzeko auzoetan egiten ziren zenbaketak ziren, zerga horiek probintzienak edo erregearenak izan litezkeelarik. Banaketaren sailkatzea sutegi unitatean egiten zen, esaterako Etxebarrin sutegi osoko, erdiko, laurden edo herenekoak ageri dira. Eta sutegi hauek tributatzeko unitate moduan kontsideratu daitezke, propietatearen tamainaren arabera ordaintzen zirelarik (hau oraindik ez dago ziurtaturik).

• Bizkaiko fogera zaharren lehen zerrenda, Estanislao Labayruk eman zuen, bertan Bizkaiko lautada zaharra aztertzen duelarik, Durangaldea eta Enkartazioak kontutan hartu gabe. Bertan Markinako eta Busturiako merindadeetako (Zornotza barne), eta Uribe-Arratia eta Bediako merindadeetako herri bakoitzaren fogera totalak aipatzen ditu.

• 1704. urteko fogerazioetan, sutegi oso, sutegi erdi, sutegi heren eta sutegi laurden modura ageri dira banatuta. Sailkapen mota hau 1798. urterarte mantendu zen.

• 1746. urteko fogerazioetan, sutegi osoak eta sutegi erdiak ageri dira bakarrik, eta Urrusoloko kofradia besteekiko bereizia ageri da.

• 1795. urteko fogerezioetan, sutegiak auzoka ageri dira banaturik.

• 1796. urteko fogerazioetan, sutegi oso, 1/2 eta 1/4 bezala ageri dira banaturik, eta 1704. urteik aurrera eraikitako etxeen lista ageri da. 1757. urtean Udaletxeak izan zuren arazo baten konstantzia ere ageri da, ikusten denez etxe berrien jaubeek ez baitzituzten zergak ordaindu nahi izan.